Sebab tok update hari tu jadi ambo update hari nih.Hari tuh (Isnin - 21.1.2013) puok-puok The Kelubi pakat pakai Tshirt hok baru siap tu blako.Siap marin pahtu esok tu paka selaluh.Alhamdulillah la sebab puok kito sporting blako.Cumo 4 oghe jah hok tok paka,3 oghe hok tok paka tuh ado sebab tersendiri & puok dio ado masaloh hok tok dapat dielakkan ,pah soghe tuh setok angin tok tahu bakpo,hanya Allah jah hok tahuu..  :) Takpo la,harap-harap masaloh ni tok berpanjange. Insyaallah. Hok paling sedak hari tuh nyoh ,oghe pakat duk tengok jah kalu puok ni lalu,segho supo famous pon ado.HAAHAHA. Oghe pakat tanyo 'gapo dio The Kelubi nih?' Ghasonyo so kolej doh eh kenal kito.Sek kito segho okey doh namo The Kelubi nih,tapi bakpo ado oghe oyak namo tu tok sesuai?? Hahaha..ikut ambo lah mugo puok ambo,kalu demo tok brehi dengar namo tuh, demo wak group sediri,abih ceghito.  :) Puok kito penuh dengan kesederhanaan,kalu segho tok leh nok masuk palo nge puok nih,demo buleh QUIT !  :) Setakat nih jah la adik kakok,nati ado ceghito,ambo update pulok,tok soh rusing laa,puok kito tokke gi jauhh.Assalamualaikum~